PAMARENTAH ANU NGEMBAN AMANAH RAHAYAT

Indit tina kasadaran yen pangwangunan teh diwaragadan ku duit rahayat, ‘Pamarentah anu Melayani’ lain saukur pesen moral wungkul. Eta teh nyaeta hiji kawajiban, konsekuensi logis tina transaksi ijab qobul amanah rahayat, anu kudu ditanggung jeung ditangtungkeun.

Kasadaran yen bahaya ‘kakuasaan’ parantos mindeng digaungkeun. ”Kakuasaan cenderung korup (nyimpang), kekuasaan anu absolut cenderung nyimpang sacara absolut. Kasadaran ieu kudu minuhan rohang pamikiran jeung hate urang, sabab sok sanajan urang lolos di dunya, tapi pasti urang dicegat di ”Poe Pangadilan Akherat”. Komo deui aya kamungkinan gede, urang hese lolos tina pangadilan dunya.