Amar Ma’ruf Nahi Mungkar

Ku: RH. Tarmidzi

Manusa teh hamba Alloh. Ku kituna hirup kumelendang di dunya teh mibanda amanah. Ngalaksanakeun amanah ti Gusti Nu Mahasuci teh tangtuna oge teu gampil. Komo deui apanan dina diri manusa teh tumerap dua sipat, boh sipat hade boh sipat goreng. Tapi kitu, manusa kudu bisa ngaoptimalkeun sipat hade nu aya dina dirina sangkan bisa jadi manusa anu dipikaasih tur dipikaayah ku Alloh SWT. Jadi manusa anu mulya mungguh Alloh.

Ku kituna nu namina kaimanan sareng katakwaan teh kedah teras dironjatkeun, sakumaha anu kaunggel dina Al-Qur’an surat Al-Hujurot (49) ayat 13, “…Inna akromakum ‘indallohi atqookum…” (Saestuna anu pangmulyana di antara maraneh di sagedengeun Alloh teh nyaeta anu pangtakwana).